Jack chan gossip
ජැකී චෑන් සටන් අතහරියි
ජැකී චෑන් ගේ රංගන විලාසයන් සිනමා රසිකයන්ට අමුතුවෙන් හඳුන්වා දිය යුතු නැහැ. එදා සහ අද පරපුරත් ප්‍රිය කරන මේ අතිදක්ෂ සටන් නළුවා දැන් පසු කරමින් සිටින්නේ තම ජීවිතයේ 63 වැනි වසරයි.
මේ ප්‍රවීණයා පසුගියදා පැවසුවේ තමන් මෙතෙක් රඟපෑ සටන් චරිතවලින් මිදිය යුතු බවයි. මගේ වයස දැන් 63 ක්. මට තවත් සටන් චරිත නිරූපණය කරන්න බැහැ. එදා වගේ ‘රශ් අවර්’ 1, 2, 3, 4, 5 කියලා චිත්‍රපටිවල දිගින් දිගටම එකම චරිත රඟපාන්න බැහැ. මම දැන් වෙනස් වෙන්න ඕනෙ. එහෙම වෙනස් නොවුණොත් ප්‍රේක්ෂකයන් මගෙන් ඈත් වෙයි. ඇමෙරිකානු, චීන, කොරියා, හොංකොං වගේ සිනමාපටවලින් අද වනවිට සටන් නළුවො කොයිතරම් දෙනෙක් ඈත්වෙලා ඉන්නවද? ටික දෙනාටයි රැඳිලා ඉන්න පුළුවන් වුණේ.”
“අද හුඟක් නළුවන්ට ස්ටන්ට් නළුවො නැතුව රඟපාන්න බැහැ. සටන් කරන්න දන්නෙත් නැහැ. ඒ අය දන්නෙ ‘ස්පයිඩර්මෑන්’ වගේ විශේෂ ප්‍රයෝග එකතු කළ චරිත රඟපාන්න විතරයි. සමහර සටන් දර්ශන රඟපාන නළු නිළියො පෙනුමෙන් නම් ලස්සනයි. සටන් බැහැ.” ජැකී චෑන් හොලිවුඩ් මාධ්‍යවලට එලෙස පැවසුවා.
Comments
Post a Comment